BBN ERREDAKZIOA
Azokak emango dio hasiera Sopelako Zirko Jaiari. Azoka ostiralean irekiko dute, arratsaldeko 18:00etan; azokan, 50 artisau baino gehiago elkartuko dira mota guztietako produktuak eskaintzeko. Ondoren, Vosotros zirku-ikuskizuna eta Nuestros bailes umeentzako ikuskizuna eskainiko dituzte. Horrez gain, hiru egunetan, pirata-barkua eta eskuz egindako zaldikomaldikoa izango dira haurren gozagarri.
Larunbat goizean, umeentzako ipuin kontalariarekin eta El viejo zirku-ikuskizunarekin abiatuko da eguna. Arratsaldean, berriz, umeentzako beste ipuin kontalari bat egongo da, eta ikuskizun bi: Mustafá no estafa eta No es posible la edad. Gauerako beste antzerki bat prestatu dute: Piratas en llama. Larunbateko ekitaldiak eguerdiko 12:00etan hasiko dira, 15:00ak arte; eta bigarren txanda, 17:00etatik 22:00ak arte.
Igandean ere goiz eta arratsaldez egongo da zabalik Zirko Jaia, larunbateko ordutegi berberarekin. Goizean umeentzako ipuin kontalariaz gain, El viejo eta Desequilibrio ikuskizunak eskainiko dira. Arratsaldean, aldiz, igandea gogotsu amaitzeko, beste lau ikuskizun: Las edades, A bailar, Mustafa no estafa eta El viejo.
