BBN ERREDAKZIOA
Bizkaiko Arkeologi Museoak 2015eko otsailaren 28tik maiatzaren 31ra bitarte, Museoa aztarnaz aztarna programaren barruan, Lacilla II kobazuloko aizkora leunduak (Sopuerta) bisita gidatuen programa abiatuko du gaur.
Bisita gidatuak larunbat eta igandetan egingo dira, 13:15h – 18:15h eta 13:15eko txandetan, hurrenez hurren. Prezioa museoko erakusketa iraunkorraren berdina izango da, hots, erakusketa ikusteko sarrera erostea nahiko izango da, bai erakusketa, bai bisita gidatua gozatzeko.
Halaber, museotik jakinarazi dutenez, bisita monografikoen programan parte hartzen dutenek, bale bat jasoko dute. Horrekin, 2015. urtean zehar, abendura arteko asteburuetarako programatu diren bisitetan, ordaindu gabe parte hartu ahal izango dute. Gainera, 2014. urtean programa horretan parte hartu zutenek ere abantaila bera izango dute.
Informazio gehiagorako 94 404 09 90 telefono zenbakira dei daiteke edo arkeologimuseoa@bizkaia.net helbidera idatzi.
